తాజా వార్తలు

నారావారబ్బాయ్ సిక్స్ పాక్స్‌

నారా వారబ్బాయ్ నారా రోహిత్ బర్త్‌ డే సందర్భంగా ఫ్యాన్స్‌కు ముందే అడ్వాన్స్ గిఫ్ట్ ఇచ్చాడు. పవన్ మల్లెల డైరెక్షన్‌లో వస్తున్న లేటెస్ట్ మూవీ టైటిల్‌ను ఫిక్స్ చేయడంతో పాటు ఫస్ట్ లుక్‌ను రిలీజ్ చేశారు. మాయాబజార్ పిక్చర్స్‌లో బి.మహేంద్రబాబు, ముసునూరు వంశీ, శ్రీ వినోద్ నందమూరిలు నిర్మాతలుగా వ్యవహరిస్తుండగా.. 'బాలకృష్ణుడు' అనే క్యాచీ టైటిల్‌తో ప్రేక్షకుల ముందుకొస్తున్నాడు నారా రోహిత్.

తాజాగా విడుదలైన ఫస్ట్ లుక్‌లో నారా రోహిత్ సిక్స్ ఫ్యాక్‌తో అదరొగొట్టేస్తున్నాడు. ఇంతకు ముందెన్నడూ కనిపించని డిఫరెంట్ లుక్‌తో షాక్ ఇచ్చాడు రోహిత్. ఫస్ట్ లుక్‌తో సినిమాపై అంచనాలు పెంచేసిన 'బాలకృష్ణుడు' మూవీలో నారా వారబ్బాయ్ సరసన రెజీనా నటిస్తుండగా.. రమ్యకృష్ణ మరో కీలకపాత్రలో నటిస్తున్నారు. ‘బాలకృష్ణుడు’ మూవీ షూటింగ్ చివరిదశలో ఉండటంతో సెప్టెంబర్‌లో భారీ ఎత్తున రిలీజ్ చేయడానికి ప్లాన్ చేస్తున్నారు నిర్మాతలు. యాక్షన్ ఎంటర్టైనర్‌గా తెరకెక్కుతున్న ఈ మూవీకి మెలోడి మాంత్రికుడు మణిశర్మ సంగీతాన్ని అందిస్తున్నారు.



Latest News