:: vijayabhanunews ::

తాజా వార్తలు

ఫిదా అయిన సీఎం కేసీఆర్

గత వీకెండ్‌లో రిలీజైన ఫిదా సినిమా విమర్శకుల ప్రశంసలు అందుకుంటోంది. రిలీజైన మొదటి రోజు, ఫస్ట్ షో నుంచే పాజిటివ్ టాక్ సొంతం చేసుకున్న ఈ సినిమాకి ఆడియెన్స్ కూడా బ్రహ్మరథం పడుతున్నారు. ఫలితంగా ఫస్ట్ వీకెండ్‌లోనే రూ. 25 కోట్ల కలెక్షన్స్ సాధించిన ఈ సినిమాకు తాజాగా తెలంగాణ సీఎం కేసీఆర్ నుంచి ప్రత్యేక అభినందనలు దక్కాయి. ప్రత్యేకంగా ఏర్పాటు చేసిన స్పెషల్ స్క్రీనింగ్‌లో ఫిదా సినిమా చూసిన కేసీఆర్... శేఖర్ కమ్ముల డైరెక్షన్‌కి ఫిదా అయ్యారు. అంతేకాకుండా ఫిదా సినిమా యూనిట్‌ని ఆఫీస్‌కి పిలిపించుకుని మరీ ప్రత్యేకంగా అభినందించారు ముఖ్యమంత్రి కేసీఆర్.

తెలంగాణ అమ్మాయికి, అమెరికాలో వుండే తెలుగు అబ్బాయికి మధ్య పుట్టిన ప్రేమ కథ, ఆ రెండు పాత్రల మధ్య చోటుచేసుకునే సంఘర్షణే ఈ ఫిదా సినిమా కథాంశం. దీనికితోడు తెలంగాణ అమ్మాయి పాత్ర కోసం తెలంగాణ యాసలో రాసిన డైలాగ్స్‌కి ఆడియెన్స్ నుంచి మంచి స్పందన కనిపిస్తోంది. సినిమా ఆద్యంతం ఎక్కడా శృతి మించకుండా రాసుకున్న కథ, కథనం ఆడియెన్స్‌ని బాగా ఆకట్టుకుంటోంది.